15.-16.02.2008 var haldin frí augnskoðun fyrir íslenska fjárhunda!

Ljósmyndari: Ágúst Ágústsson

Hér koma nokkrar svipmyndir frá helginni. 

Smellið á myndirnar til að sjá þær stærri

Á síðasta ári sótti deild íslenska fjárhundsins, díf, um styrk til Þjóðhátíðarsjóðs til augnskoðunar allt að 100 hunda. 

Þjóðhátíðarsjóður er sjóður á vegum forsætisráðuneytis en tilgangur hans er „að veita styrk til stofnana og annarra aðila, er hafa það verkefni að vinna að varðveislu og vernd þeirra verðmæta lands og menningar, sem núverandi kynslóð hefur tekið í arf“. 

Þjóðhátíðarsjóður veitti díf 300.000,- til þessa verkefnis en deildin stóð sjálf straum af því sem upp á vantaði svo skoða mátti 100 íslenska fjárhunda, eigendum þeirra að kostnaðarlausu. 

Deild íslenska fjárhundsins ákvað því, í samvinnu við Hundaræktarfélag Íslands, að efna til augnskoðunar á íslenskum fjárhundum í Sólheimakoti 15. og 16. febrúar.

Augnskoðunin var hundeigendum að kostnaðarlausu. 

Danski sérfræðingurinn Finn Boserup framkvæmdi augnskoðunina en hann hefur margsinnis komið hingað til lands á vegum Hundaræktarfélags Íslands. 

Gildistími augnskoðunar hjá íslenska fjárhundinum eru 12 mánuðir en séu hundar skoðaðir eftir að þeir eru fullra þriggja ára gildir augnskoðunin í 26 mánuði.  

________________________________________________________________________
Best er að skoða þessar síður í 1024x768 pixels upplausn. Umsjónarmaður vefs.
© 2006-2010 Deild íslenska fjárhundsins. Afritun óheimil án leyfis. Allur réttur áskilin